4A Observatørkurs for eksterne

Her vil du lære om korleis du skal gjere gode vurderingar av snødekket og korleis du kan dele desse vurderingane med andre. Kurset høver for alle som har snø og skredvurderingar som ein del av arbeidet sitt. Dette kan til dømes vere konsulentar,  guidar, lærarar, kursinstruktørar og andre som er over gjennomsnittet interessert i snø. 

Hovudemne som vert gjennomgått er:

• Snøprofil og stabilitetstestar
• Systematisk snødekkeundersøking
• Val av gode områder for snøobservasjonar
• Snøskredvarslinga i Norge – oppbygging og arbeidsmåtar
• Bruk av Regobs til innrapportering av observasjonar
• Skredfareskalaen – betydning av denne
• Vær og værkjennskap

For å vere med på kurset må du ha god og grunnleggande kjennskap til dei forskjellege omvandlingsprosessane som skjer i snødekket og kunne teikne og forstå eit snøprofilskjema. Det vil sei at du også må kunne gjenkjenne dei vanlegaste snøkrystallane og vite koreleis dei vert danna. Du må vere i normalt god form og kunne ferdast trygt på ski i terreng opp til 30 grader bratt. Kurset inneheld både teoritske og praktiske økter, men er mest praktisk retta og deltakarar må vere vant med å ferdast ute på ski i varierande vær og føre.

Dato: 3. - 5. februar 2026. (kurstart kl 0800 tysdag, avsluttning innan kl 1400 torsdag)

Stad: Filefjellstuene

Pris: i 2025 var prisen 9500 per pers.  Denne kan bli justert for kurs i 2026  Overnatting, mat og reise kjem i tillegg. Sjå kursprogram for meir info. 

Deltakarane forplikar seg til å oppfylle krav om forkunnskap og gjere førebuande arbeid som beskrive i kursprogram før kurs. 

Deltakar lyt sjølv tinge overnatting og måltid. Det er praktisk å bu i hytter eller leiligheit på Filefjellstuene der kurset vert arrangert.

Kapasitet 12 deltakarar. 

Påmelding her: https://events.provisoevent.no/norgesvassdrags-ogenergidirektorat/events/4a-observatoerkurs-for-eksterne-2026/register

Praktiske og faglege spørsmål til Jostein Aasen - jaas@nve.no