Aukande skredfare i Troms fyrste helga i februar.
Store nysnømengder og sterk vind frå nord på fredag og laurdag vil gje aukande snøskredfare i fleire regionar i Troms og Vest Finnmark. Regionane Lyngen og Nord Troms er dei regionane som vil få den høgaste skredfaren. Snø og vind gjer at det vert danna ferske fokksnøflak. Særleg sørvendte fjellsider vil være utsett seier vaktleiar i snøskredvarslinga Ingrid Skrede.
Fokksnøen kan legge seg oppå eit vedvarande svakt lag av kantkorn som allereie har vist at det kan føre til store skred som ein ser på biletet frå Svartnestinden.
Vårt råd et at folk unngår alt snøskredterreng fram til forholda har stabilisert seg. Særleg helga når vêret betrar seg, men snødekket framleis er ustabilt, kan bli utfordrande når folk vil ut på tur i fjella seier Ingrid Skrede. Følg med på Varsom.no for oppdaterte snøskredvarsel, og bruk Varsom app for å sjå kva som er snøskredeterreng. Det er også til god hjelp for snøskredvarslinga om folk delar observasjonar av snøskred som går og andre fareteikn som t.d. stort snøfall eller drønnelydar i snøen. Du kan lese meir om korleis du gjer dette på snøskredskulen som du finn på varsom.no https://www.varsom.no/snoskred/snoskredskolen/del-informasjon/enkel-observasjon/