Snøskredvarsel for region Romsdal søndag 21.01.2018

Opphaldsvær og lite vindtransport dei siste dagane gjer at det har blitt danna betre bindingar i fokksnøen. Dei fleste plassane er fokksnøflaka harde og det skal mykje til for å løyse ut skred, men vær varsom der flaka er mjuke og tynne, då det er lettare å påverke svake lag. Det finnast kantkorn i snødekket, men desse er såpass dårleg utvikla at det ikkje blir vurdert som eit skredproblem i regionen. Grunna temperaturgradienten i snødekket er det venta at desse vil utviklast vidare og må difor følgast med på framover. Der det er avblåst kan skara vere hard, og fall i bratte heng kan gi alvorlige konsekvensar. Snøskredfaren er vurdert som 1 - liten.